« Маё прозвішча – лепшае ў свеце»

Дата: 12 июня 2017 в 12:11

Автор: Иконаско Т. Ю.

386 просмотров

Аб правядзенні рэспубліканскага конкурсу творчых работ « Маё прозвішча – лепшае ў свеце»,
у рамках рэспубліканскай акцыі навучэнскай моладзі «Жыву ў Бeлapyci i тым ганаруся»

ПАЛАЖЭННЕ

аб правядзенні рэспубліканскага конкурсу

творчых работ « Маё прозвішча – лепшае ў свеце»,

у рамках рэспубліканскай акцыі

навучэнскай моладзі «Жыву ў Бeлapyci i тым ганаруся»

1.АГУЛЬНЫЯ ПАЛАЖЭННІ

1.1. У адпаведнасці з пісьмом Міністэрства адукацыі Рэспублікі Беларусь «Аб правядзенні рэспубліканскай акцыі навучэнскай моладзі «Жыву ў Бeлapyci i тым ганаруся» (далей – акцыя) ад 17.03.2016 г. № 10-01-28/513, планам правядзення асноўных мерапрыемстваў у рамках акцыі на 2016-2018 гады, у 2017 годзе праводзіцца рэспубліканскі конкурс творчых работ «Маё прозвішча – лепшае ў свеце» (далей – конкурс) (пісьмо Міністэрства адукацыі Рэспублікі Беларусь ад 09.03.2017 г. № 10-20/68). Арганізатарамі конкурсу з’яўляецца рэдакцыя газеты «Пераходны ўзрост».

1.2. Удзельнікамі конкурсу з’яўляюцца асобныя навучэнцы ўстаноў адукацыі ва ўзроставай катэгорыі 12-16 гадоў.

2. ТЭРМІНЫ ПРАВЯДЗЕННЯ

Конкурс праводзіцца з сакавіка па верасень 2017 года ў адзін этап (рэспубліканскі) у два туры: папярэдні і выніковы. На папярэднім – рэдакцыя разглядае дасланыя матэрыялы для вызначэння іх годнасці да публікацыі. Лепшыя творчыя работы друкуюцца (пры неабходнасці – у рэдагаваным выглядзе) на старонках газеты, сайце выдання (www.pvz.by) і выстаўляюцца на абмеркаванне чытачоў. Іх аўтары становяцца фіналістамі конкурсу і адзначаюцца спецыяльнымі дыпломамі (граматамі) газеты «Пераходны ўзрост». Па выніках абмеркавання чытачоў вызначаецца ўладальнік спецыяльнай узнагароды рэдакцыі газеты «Пераходны ўзрост». Інфармацыя пра фіналістаў размяшчаецца на «старонцы славы» газеты «Пераходны ўзрост» (на сайце выдання).

На выніковым – рэспубліканскае журы, разгледзеўшы работы фіналістаў, вызначае пераможцаў і прызёраў.

3. АСАБЛІВАСЦІ ПРАВЯДЗЕННЯ

3.1. Арганізацыйнае i метадычнае забеспячэнне правядзення конкурсу ажыццяўляе дзяржаўная ўстанова адукацыі «Гомельскі абласны цэнтр турызму і краязнаўства дзяцей і моладзі» (далей – Цэнтр турызму).

3.2. Асноўнымі мэтамі i задачамі конкурсу з’яўляюцца:

фарміраванне ў навучэнскай моладзі грамадзянска-патрыятычных пачуццяў;

павышэнне культурнага ўзроўню маладога пакалення;

выхаванне духоўна развітай асобы праз далучэнне падлеткаў да вывучэння паходжання свайго прозвішча, гісторыі сваёй сям’і, даследаванне радаводу;

далучэнне навучэнцаў да навукова-даследчай лінгвістычнай дзейнасці, паглыбленне ведаў па гісторыі беларускай мовы;

умацаванне сувязі паміж пакаленнямі, павага да продкаў;

выяўленне і заахвочванне юных журналістаў – актыўных удзельнікаў конкурсу.

3.3. На конкурс прадстаўляюцца індывідуальныя творчыя работы інфармацыйна-публіцыстычных жанраў, у якіх у займальный форме распавядаецца пра паходжанне ўласнага прозвішча (выкарыстоўваюцца архіўныя звесткі, дадзеныя этымалагічных і іншых слоўнікаў, даведкавая і спецыяльная літаратура, адлюстроўваецца гісторыя сям’і або факты з жыцця носьбітаў прозвішча, што пацвярджаюць яго ўнікальнасць, выключнасць, самабытнасць; апісваюцца канкрэтныя справы або падзеі, якія абуджаюць маладое пакаленне праяўляць зацікаўленасць да роднага слова, гісторыі беларускай мовы праз вывучэнне сваіх каранёў, спрыяюць павышэнню культурнага ўзроўню асобнага навучэнца і грамадства ўвогуле, нацыянальнай самасвядомасці юных грамадзян сваёй краіны).

3.4. Конкурсныя работы (тэкст – да 3 000 знакаў (паўтары старонкі фармата А4) пажадана з фотадакументальным суправаджэннем) прадстаўляюцца ў электронным выглядзе, маюць тытульную старонку (з пазначэннем вобласці, раёна/горада, установы адукацыі, назвы працы), інфармацыю пра аўтара работы (прозвішча, імя, імя па бацьку, клас/група) і пра кіраўніка (прозвішча, імя, імя па бацьку, пасада), а таксама нумары кантактных тэлефонаў.

3.5. Конкурсныя матэрыялы дасылаюцца на рэспубліканскі этап конкурсу да 11 верасня 2017 года па адрасе: 220013, г. Мінск, вул. Б. Хмяльніцкага, 10 а. Тэлефон/факс: (017) 2871959, 
e- mail: p_vozrast@tut.by.